الحياة السعيدة

من تاليف . الرايق

أسعد حياة المرء تحت حكمهم .. وهم أصحاب العقول السديدة

عقولا قد أضاءت للئهب أفقا .. ولقتل الشعب أفاقا جديدة

كيف تفكر أنت فى بلدغيرها .. تحيا بها حياة سعيدة

حياة بغير نكد ولا حزن .. أين هذة الحياة الرشيدة

يوم واحد بمصرنا هذة فيه .. تحمل أحزان أعواما مديدة

كيف تعيش بغيرهم ساعة .. والحرب على أصحاب العقيدة

حرب بكل ألوان الجنون تشكلت .. وقد أصبحت حرب شديدة

خير رجال قومنا فى سجون .. أو أنهم خارج البلاد طريدة

لا يمر اليوم إلا وفيه نرى .. من المصائب ألونا عديدة

أسعار كالنار تحرق أبداننا .. وليت لهم أشياء مفيدة

وكفانا من أمن كرسى الحكم .. ما يعمل من أعمال فريدة

وحزب مبارك برئيسه يعبر .. للمستقبل بافكار شريدة

يهوى كل عمل يخالف الكرامة .. ويقتل كل الصفات الحميدة

وبعد هذة الاعمال تبقى .. هى صاحبة الانجازات المجيدة

ودائماأدعوا الله أن تبقى .. حكومتنا أعواما مديدة

تحيا الحكومة ويموت الشعب .. وتبقى حياتنا سعيدة

حاجه غريبة ... محمودفوزى خد افراج

قامت مديرية ارهاب الدوله بالفيوم بالافراج عن الطلبه
الذين تم اختطافهم يوم الثلاثاء 1 ابريل من جامعة الفيوم
بعد التعدى عليهم بالضرب والاهانات وعلى باقى الطلبه داخل الجامعه
انا اول ما سمعت الخبر لم اصدق ليه انا قلت انهم هيحصلوا الطلبه اللى سبقوهم
وهيقعدوا اقل حاجه بتاع 3 او 4 شهور
قلت ازاى دة بقى يحصل ده احنا عايشين فى مصر فى ظل حكم ابو علاء
وماما سوزان والاخ جمال والباشا العادلى
فهى بصراحه حاجه غريبه انهم يخرجوا كده على طول
و محمود فوزى أخد افراج
وهو فى طريقه الى المنزل هو واخوانه
ومازلنا حتى كتابة هذة السطور
فى انتظار وصوله الينا باذن الله
عن اذنكم بقى علشان اروح استناه فى البيت .

ناس طيبين اوى

قامت قوات ارهاب الدوله بقيادة مروان بيه مازن
التابعه لمحافظة الفيوم . باشراف من حبيب بيه العادلى
باومر من الريس الكبير ابو علاء .
بتجديد البيعه لرؤساء هذا النظام الظالم المستبد
والقسم على التطييق على كل مصرى مسلم .
وبناءا على هذا قامت باعتقال 3 من جامعة الفيوم وهم ,
محمود فوزى . الفرقة الثانية بكلية تربية اساسي
عبدالله رجب . الفرقة الثانية بكلية التربية قسم كيمياء
صلاح شعبان أحمد الزرباوي . الفرقة الثالثة بكلية الخدمة الاجتماعية
بعد معرض اقيم امس الثلاثاء فى جامعة الفيوم
بتهمة
بتهمة ايه. هى ايه التهمة
والله مش عارف
وطبعا الجامعة كانت محاصرة بقوات الارهاب المصرية
لدرجه ان الطلبه علشان تتدخل الجامعة كانت بتقفز من على السور كالعادة
وطبعا حصل اعتداءت بالضرب كتير جدا على الطلبة والطالبات
مما ادى الى اصابة الكثير منهم باصابات
ده غير طبعا ركل المصاحف من الضباط
وكل دة طبعا داخل الحرم الجامعى
واليكم بعض الصورمن موقع طلبه4 فيوم


حسبنا الله ونعم الوكيل